ಸೋಮವಾರ, ಫೆಬ್ರವರಿ 13, 2012

ಜೀವನವೆಂಬ ರೈಲು !!!!!

{ಚಿತ್ರ  ಕೃಪೆ ಅಂತರ್ಜಾಲ}


ಜೀವನದ ರೈಲು ಚಲಿಸುತ್ತಿದೆ 
ಭಾವನೆಗಳ ಕಂಬಿಯ  ಮೇಲೆ
ಮನಸುಗಳಿಗೆ ಕನಸು ತುಂಬಿ 
ಕನಸುಗಳಿಗೆ ಬಣ್ಣ ತುಂಬಿ 
ಈ ರೈಲು ಓಡುತ್ತಲೇ ಇದೆ 



ಜೀವನದ ರೈಲು ನಡೆದಿದೆ 
ಬೆಳಕು ಕತ್ತಲೆಯ ನಡುವೆ 
ಬೆಳಕು ಬಂದಾಗ ಮಿಂಚಿ 
ಕತ್ತಲೆ ಬಂದಾಗ ಕರಗಿ 
ಅನುದಿನವೂ ನಿರಂತರ ಸಾಗಿದೆ  


ಜೀವನದ ರೈಲು ಸಾಗಿದೆ 
ನಗು ಅಳುವಿನ  ಮೇಲೆ 
ನಕ್ಕಾಗ  ಸಂತಸದಿ ಹಿಗ್ಗಿ 
ಅತ್ತಾಗ  ದುಃಖದಿಂದ ಕುಗ್ಗಿ 
ನಿಲ್ಲದೆ ನಿರ್ಭಯದಿ ಸಾಗಿದೆ


ಜೀವನದ ರೈಲು ಚಲಿಸಿದೆ 
ಜ್ಞಾನ ಅಜ್ಞಾನದ ಹಾದಿಯಲ್ಲಿ 
ಜ್ಞಾನ ದೀಪದಲ್ಲಿ ಬೆಳಗಿ 
ಅಜ್ಞಾನದ ಕತ್ತಲಲ್ಲಿ ಕರಗಿ  


                                                           ಸಾಗುತ್ತಾ ಸುಜ್ಞಾನ ಹುಡುಕಿದೆ
{ಚಿತ್ರ  ಕೃಪೆ ಅಂತರ್ಜಾಲ}
ಜೀವನದ ರೈಲು ಮುನ್ನುಗ್ಗಿದೆ  
ಪಾಪಾ ಪುಣ್ಯಗಳ ಪಟ್ಟೆಮೇಲೆ  
ಪಾಪದ ನರಕದಲ್ಲಿ ನಲುಗಿ  
ಪುಣ್ಯದ ನಾಕದಲ್ಲಿ ಮಿನುಗಿ
ಗುರಿಯ ಹುಡುಕಿ ಸಾಗಿದೆ.   

ಶುಕ್ರವಾರ, ಜನವರಿ 27, 2012

ನನಗೇಕೆ ಬೇಕು ಸನ್ಮಾನ ...................................................??????


ನನಗೇಕೆ ಬೇಕು ಸನ್ಮಾನ .................?
ನಿಮ್ಮ ಹೃದಯದಲ್ಲಿರಲು ನನ್ನ ಸ್ಥಾನ .
ನನಗೇಕೆ ಬೇಕು ಸನ್ಮಾನ ................?


ಅಳುಕುತ್ತಾ  ಕೇಳಿದೆ ನನ್ನ  ಮನ 

.  ಅನ್ನ ನೀಡಿ ಹೊತ್ತು  ಪೊರೆವ ಭೂಮಿ
ಜೀವಿಗಳಿಗೆ ಉಸಿರು ನೀಡುವ ಆ  ಗಾಳಿ
ಇಳೆಯ  ನೀರಡಿಕೆ ನೀಗಿಪ   ಮಳೆ ಹನಿ       
ಎಂದೂ ಬೇಡಲಿಲ್ಲ  ಸನ್ಮಾನ  ...........!!
 ನಾ ಪಡೆದರೆ .......ಸನ್ಮಾನ ,
ಆಗದೆ  ಬದುಕಿನ ಲಯಕ್ಕೆ ನೋವಿನ  ಸಿಂಚನ
ಬೇಡ ಬಿಡಿ ...ನನಗೇಕೆ  ಬೇಕು ಸನ್ಮಾನ


ಬಣ್ಣ ಬಣ್ಣದ ಚಿತ್ತಾರ ಚೆಲುವಿನ ಚಿಟ್ಟೆಗಳು,
ಹಾಡಿ ಹಾರಿ ನಲಿದಿಹ ಶುಕ ಪಿಕಗಳು ,
ಮುಗ್ಧ ಮನದ ಆ  ಮುದ್ದು ಮಕ್ಕಳು
ಎಂದೂ ಕೋರಲಿಲ್ಲ   ಸನ್ಮಾನ ...!!

 ನಾ ಪಡೆದರೆ .......ಸನ್ಮಾನ ,
ಆಗದೆ  ಬದುಕಿನ ಲಯಕ್ಕೆ ನಾಚಿಕೆಯ ಮಜ್ಜನ
ಬೇಡ ಬಿಡಿ ...ನನಗೇಕೆ  ಬೇಕು ಸನ್ಮಾನ


 ಮಾಮರದಿ  ಹಾಡುವ  ಕುಹೂ ಕುಹೂ ಕೋಗಿಲೆ ,
 ಕಾನನದಿ ನರ್ತಿಸುವ ಮುದ್ದು ಮಯೂರಿಯ ಕಲೆ
ಕಾನನದ  ಆಭರಣಗಳಾದ ಆ  ವನ್ಯ ಜೀವಿಗಳೇ
    ಬಯಸಲಿಲ್ಲ ಸನ್ಮಾನ    ....!!
   ನಾ ಪಡೆದರೆ .......ಸನ್ಮಾನ ,
ಆಗದೆ  ಬದುಕಿನ ಲಯಕ್ಕೆ ಕಪಟತೆಯ ದರ್ಶನ
ಬೇಡ ಬಿಡಿ ...ನನಗೇಕೆ  ಬೇಕು ಸನ್ಮಾನ




ತೋಟದಲಿ  ಕಂಡ ಎಷ್ಟೊಂದು  ಹೂವು ಹಣ್ಣುಗಳು
 ನೀರಲ್ಲಿ ನಲಿಯುವ ಆ ವಿಸ್ಮಯ    ಮೀನುಗಳು
ಬಾನಲ್ಲಿ ಚಿತ್ತಾರ ಬಿಟ್ಟ  ಕಾಮ ಬಿಲ್ಲು
ಕೇಳಲಿಲ್ಲ ಸನ್ಮಾನ ........!!
  ನಾ ಪಡೆದರೆ .......ಸನ್ಮಾನ ,
ಆಗದೆ  ಬದುಕಿನ ಓಘಕ್ಕೆ   ಕುಟಿಲತೆಯ  ದರ್ಶನ

ಬೇಡ ಬಿಡಿ ...ನನಗೇಕೆ  ಬೇಕು ಸನ್ಮಾನ

ಇಡೀ  ಪರಿಸರಕ್ಕೆ ಬೇಡದಿದ್ದರೂ  ಯಾವುದೇ ಸನ್ಮಾನ
 ಬೇಕೇ ಬೇಕೆಂದು ಬಯಸುತ್ತಿದೆ ಈ  ಮರ್ಕಟ ಮನ
ಸನ್ಮಾನದ ಕೂಪಕ್ಕೆ ಬಿದ್ದು ಕರಗುತಿದೇ  ಜ್ಞಾನ
ಸತ್ಯ  ಎದುರಿದ್ದರೂ  ಕಲಿಯದ  ಈ ವ್ಯರ್ಥ ಜೀವನ .   

ಗುರುವಾರ, ಡಿಸೆಂಬರ್ 15, 2011

"ಮನದಾಳದ ಹಾರೈಕೆ "

                                                                                                                                                    

ಭಾವಗೀತೆಗಳ ಭಂಡಾರವೇ
ನೀನು , ಓ ಮುದ್ದು ಮಗುವೆ
ನಿನ್ನೊಂದೊಂದು ಲೀಲೆಯೂ
ಒಂದು ಸುಖದ ಗೀತೆ !
     
                                                                                                                                                        ನೀನು ಆಗಮಿಸುವೆಯೆಂದು
ಅರಿತಾಗ ನಾವು ಹೆಣೆದ
ಕನಸುಗಳೆಷ್ಟು ಬಲ್ಲೆಯಾ  ?
 ನಿನ್ನ ಬರುವಿಕೆಗಾಗಿ ಮೈ
ಮನವೆಲ್ಲ ಕಾತುರತೆಯ
ಹಂದರವಾಗಿ ನಿದ್ರೆ ಜಾರಿದ
ರಾತ್ರಿಗಳೆಷ್ಟು    ಬಲ್ಲೆಯಾ ?

ನನಗೆ ನಡೆದ ಆರೈಕೆಗಳೆಲ್ಲಾ
ನಿನ್ನ ಬರುವಿಕೆಗೆ ನೇಯ್ದ                                                                                                                                                       
ರತ್ನಕಂಬಳಿ ಕಂದಾ.......!

ನಿನ್ನ  ಆ ಚೆಂದುಟಿ ನಗುವ 
ನೆನೆಯುತ್ತಾ  ನನ್ನ ಕ್ಲೇಶಗಳೆಲ್ಲಾ
ಕಳೆದೇಹೋದವು ಕಂದಾ ...........!


ಅಂತೂ ನೀನು ಧರೆಗಿಳಿದೆ
ನಮ್ಮೆಲ್ಲ ಕನಸುಗಳ ಸಾಕಾರ 
ಮೂರ್ತಿಯಾಗಿ  ಬಂದೆ ನೀ ಕಂದಾ .......!



ಅನುಭವಿಸಿದ  ಆದಿನಗಳ ನೋವಿಗೆ
ಇಂದು ನಿನ್ನ  ನಗುವಿನ ಜೇನಿನ ಸ್ವಾದ
ನೋವಿನಲ್ಲೂ ಸುಖವನಿತ್ತೆ  ಓ ಕಂದಾ .....!                                                                                              
 

ಸುಖವಾಗಿರು ಮುದ್ದು  ಮಗುವೆ
ತಾಯ ಮಡಿಲ ಸೌಭಾಗ್ಯ ನಿನಗೆ
ಜೀವನದ ಸುಧೆ ನಿನ್ನದಾಗಲಿ ..........ಕಂದಾ !


ಬುಧವಾರ, ನವೆಂಬರ್ 30, 2011

ಜನರ ನಡುವಿನ ಜೀವನ !!!!!

 ,ತಂದಾನಿ ತಾನಾ ತಂದಾನಿ ತಾನಾ ಜೀವನ ಸಂಜೀವನ.                                                                                                                                                                                  ಜನರಿಂದ ತುಂಬಿಹೋಗಿದೆ ನಮ್ಮೆಲ್ಲರ ಜೀವನ!!!!!!!,

                                 


ಕಪ್ಪು ಜನ , ಬಿಳಿಯ ಜನ ,ಕೆಂಚ ಪರಂಗಿ ಜನ ,
ಬಣ್ಣ ಬಣ್ಣದ ತೊಗಲಿನ ಬಗೆ ಬಗೆಯ  ಜನ ,
ವಿಶ್ವದೆಲ್ಲಡೆ ಹರಿದು ಹಂಚಿಹೋದ ಸರ್ವ ಜನ ,
ಈ ಜನರ ನಡುವೆ ಸಾಗಿದೆ ನಮ್ಮೆಲ್ಲರ ಜೀವನ.

-----------------------------------------------------------------------------------------------------------                                                                                                                                                                               


ಅನ್ನ ಬೆಳೆವ ಮಣ್ಣು ನೆಚ್ಚಿದ ರೈತ  ಜನ,
ಹಣವಿದ್ದೂ ಅನ್ನ ತಿನ್ನಲಾರದ ಸಿರಿಜನ,
ಹಸಿವ ತಾಳದೆ ಬೇಡುವ ತಿರುಕ ಜನ
 ಇವರ ನಡುವೆ ಸಾಗಿದೆ ನಮ್ಮೆಲ್ಲರ ಜೀವನ.                                                                                                                                                       ------------------------------------------------------------------------------------------------------------
                                             
ಶಾಂತಿ ಶಾಂತಿ ಶಾಂತಿ ಎಂದ ಜನ ,
ಕ್ರಾಂತಿ ಕ್ರಾಂತಿ ಕ್ರಾಂತಿ ಎಂದ ಜನ ,
ಶಾಂತಿ, ಕ್ರಾಂತಿಯ ಜಪದಲ್ಲಿ ಮುಕ್ಕಿದ ಜನ
ಈ ಜನರ ನಡುವೆ ಸಾಗಿದೆ ನಮ್ಮೆಲ್ಲರಜೀವನ,
------------------------------------------------------------------------------------------------------------

ಗುರುವಾರ, ನವೆಂಬರ್ 24, 2011

"ಛಲ" ಅದುವೇ ಜೀವನದ ಬಲ!!!

ವರುಷ ಇಪ್ಪತ್ತೈದಾಯ್ತು
ಆಗಲಿಲ್ಲ , ಮಗಳಿಗೆ ಮದುವೇ!
ಅಲೆದಲೆದು ಸಾಕಾಯ್ತು
ಹೂ ಹಣ್ಣುಗಳ ತಟ್ಟೆ ಹಿಡಿದು
ವರಗಳ ಮನೆ-ಮನೆಗೆ!!                                                                                                                                     ---- --- -------------------------------------------------------------------------------------------------                                                                                                                                                                     ಹುಡುಗಿ ಕಪ್ಪೆಂದು
ದೂರಿದನೊಬ್ಬ  ಹುಡುಗ,
ಮತ್ತೊಬ್ಬ ಗೊಣಗಿದ
ಹುಡುಗಿ ಎತ್ತರ !! ಬಹು ಎತ್ತರ!!!
ಕೆಲಸ ಯಾವುದೆಂದು
ಒಬ್ಬನಿಗೆ ಚಿಂತೆ ,
ಮತ್ತೊಬ್ಬನಿಗೆ ಬೇಕಂತೆ
ನೋಟುಗಳ ಕಂತೆ!ಕಂತೆ!!!
                                                                                                                                            --------------------------------------------------------------------------------------------------------           ವರ ಬೇಟೆಯ ಆಟ
ಹೆತ್ತವರಿಗೆ ಜೀವನದಾಟ
ಕೊಡು-ಕೊಳ್ಳುವಿಕೆಯಲ್ಲಿ
ವಧುವ  ಕನಸುಗಳಿಗಿಲ್ಲ ಬೆಲೆ
ವ್ಯವಹಾರದ ಮೂಟೆ ಮೂಟೆ
  ಒಣಗಿಹೋಗಿದೆ ಕನಸಿನ ಊಟೆ!!!                         

 ---------------------------------------------------------------------------------                                                                                                                                                               ಒಣಗಿದ ಕನಸುಗಳ
ಬತ್ತಿದ ಭಾವನೆಗಳ
ಒಡಲಲ್ಲಿ ಒಣಗಿದ ಹೂವು
ಕನಸುಗಳಲ್ಲಿ ಕುಣಿದಿಹ ಸಾವು
 ಆತ್ಮಹತ್ಯೆ ಬಯಸಿದೆ ಮನವು !!!!!!!                                                                                                                               

 ---------------------------------------------------------------------------------                                                                                                                                                                            ಯೋಚಿಸಿದಳು ಒಮ್ಮೆ ಆತ್ಮಹತ್ಯೆಯ  ಬಗ್ಗೆ

ನೋವಿನಲ್ಲೂ ಮೂಡಿತ್ತು  ನಗೆ !!
ನಗೆಯ ಸಿಂಚನದಲ್ಲಿ  ಕರಗಿತ್ತು ನೋವು ,
ಮನದಿಂದ ದೂರ ಓಡಿತ್ತು  ಸಾವು ,
ಅಲ್ಲಿಯೇ ಕಂಡಿತ್ತು ಗೆಲುವಿನ ಛಲವು!!!                 


ಶನಿವಾರ, ನವೆಂಬರ್ 19, 2011

ಜೀವನ ಪಯಣದ ಯಾತ್ರೆ !!!!

ವರ್ಷಗಳೇ ಹಾಗೆ !!!!
ಸಮುದ್ರದ ತೆರೆಗಳಂತೆ
ತೆರೆಗಳಲ್ಲಿನ ನೋರೆಗಳಂತೆ
ಬರುತ್ತಲೇ ಇರುತ್ತವೆ                                                                                                                                 ಸಿಹಿ ಕ್ಷಣಗಳ ತರುತ್ತವೆ                                                                                                                            ಹಿಂದೆಸರಿದು ಮರೆಯಾಗುತ್ತವೆ.


ಸಾಧನೆಗಳೇ ಹಾಗೆ !!!!!!
ಶರಧಿಯಲ್ಲಿನ ಬಂಡೆಗಳಂತೆ
ಕಷ್ಟದಲೆಗಳ ಎದುರುನಿಂತು
ನಿರಂತರ ಹೋರಾಡುತ್ತಾ                                                                                                                             ಹಿರಿಮೆ ಸಾರುತ್ತವೆ
  
ಕಷ್ಟಗಳೇ ಹಾಗೆ !!!!!!!
ಕಡಲತಡಿಯ ಮರಳಿನಂತೆ
ಛಲದಲೆಗಳ ಹೊಡೆತತಿಂದು
ನಿರಂತರ ಜಾರುತ್ತಾ                                                                                                                      ಜೀವದಲೆಗಳೊಡನೆ  ಮರೆಯಾಗುತ್ತವೆ
 


ಜೀವನಯಾನವೇ ಹಾಗೆ !!!!!
ಕಡಲನೌಕೆಯ ಯಾನದಂತೆ
ಜೀವನದಲೆಗಳ ಹತ್ತಿಳಿದು
ನಿರಂತರ ಚಲಿಸುತ್ತಾ
ಜೀವನದಂತ್ಯ ತಲುಪುತ್ತದೆ  !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!




[ಇದು ನಾನು ಬರೆದ ಮೊದಲ ಕವಿತೆ ೨೧ -೦೬-೨೦೦೭ ]