ಗುರುವಾರ, ನವೆಂಬರ್ 24, 2011

"ಛಲ" ಅದುವೇ ಜೀವನದ ಬಲ!!!

ವರುಷ ಇಪ್ಪತ್ತೈದಾಯ್ತು
ಆಗಲಿಲ್ಲ , ಮಗಳಿಗೆ ಮದುವೇ!
ಅಲೆದಲೆದು ಸಾಕಾಯ್ತು
ಹೂ ಹಣ್ಣುಗಳ ತಟ್ಟೆ ಹಿಡಿದು
ವರಗಳ ಮನೆ-ಮನೆಗೆ!!                                                                                                                                     ---- --- -------------------------------------------------------------------------------------------------                                                                                                                                                                     ಹುಡುಗಿ ಕಪ್ಪೆಂದು
ದೂರಿದನೊಬ್ಬ  ಹುಡುಗ,
ಮತ್ತೊಬ್ಬ ಗೊಣಗಿದ
ಹುಡುಗಿ ಎತ್ತರ !! ಬಹು ಎತ್ತರ!!!
ಕೆಲಸ ಯಾವುದೆಂದು
ಒಬ್ಬನಿಗೆ ಚಿಂತೆ ,
ಮತ್ತೊಬ್ಬನಿಗೆ ಬೇಕಂತೆ
ನೋಟುಗಳ ಕಂತೆ!ಕಂತೆ!!!
                                                                                                                                            --------------------------------------------------------------------------------------------------------           ವರ ಬೇಟೆಯ ಆಟ
ಹೆತ್ತವರಿಗೆ ಜೀವನದಾಟ
ಕೊಡು-ಕೊಳ್ಳುವಿಕೆಯಲ್ಲಿ
ವಧುವ  ಕನಸುಗಳಿಗಿಲ್ಲ ಬೆಲೆ
ವ್ಯವಹಾರದ ಮೂಟೆ ಮೂಟೆ
  ಒಣಗಿಹೋಗಿದೆ ಕನಸಿನ ಊಟೆ!!!                         

 ---------------------------------------------------------------------------------                                                                                                                                                               ಒಣಗಿದ ಕನಸುಗಳ
ಬತ್ತಿದ ಭಾವನೆಗಳ
ಒಡಲಲ್ಲಿ ಒಣಗಿದ ಹೂವು
ಕನಸುಗಳಲ್ಲಿ ಕುಣಿದಿಹ ಸಾವು
 ಆತ್ಮಹತ್ಯೆ ಬಯಸಿದೆ ಮನವು !!!!!!!                                                                                                                               

 ---------------------------------------------------------------------------------                                                                                                                                                                            ಯೋಚಿಸಿದಳು ಒಮ್ಮೆ ಆತ್ಮಹತ್ಯೆಯ  ಬಗ್ಗೆ

ನೋವಿನಲ್ಲೂ ಮೂಡಿತ್ತು  ನಗೆ !!
ನಗೆಯ ಸಿಂಚನದಲ್ಲಿ  ಕರಗಿತ್ತು ನೋವು ,
ಮನದಿಂದ ದೂರ ಓಡಿತ್ತು  ಸಾವು ,
ಅಲ್ಲಿಯೇ ಕಂಡಿತ್ತು ಗೆಲುವಿನ ಛಲವು!!!                 


ಸರ್ವ ಕಷ್ಟಕೂ ಇದೆ ಪರಿಹಾರ ,
ಮನದಲ್ಲಿ ಮೂಡಿದರೆ ಒಳ್ಳೆ ವಿಚಾರ !!!!
ಭರವಸೆಯ  ಬದುಕೇ ಬಾಳಿಗೆ ಆಧಾರ ,

ಸಾವು ಪರಿಹಾರವಲ್ಲಾ ಕಷ್ಟದ ಬದುಕಿಗೆ ,
ಛಲದ ಬದುಕು ದೂಡುವುದು ಗೆಲುವಿನ ಹಾದಿಗೆ !!!!
----------------------------------------------------------------------------------------------------------
                                                                                                                                                     ಸಹೋದರಿ  ನಿನಗಿದ್ದರೆ ಈ ಭವಣೆ,
ಛಲದ ಹಾದಿಹಿಡೀ  ನೀ ಜಾಣೇ!!!
 ವಾಸ್ತವ ಬದುಕ ಅರಿತಾಗ ನೀನು
ಬದುಕಿ ಸಾಧಿಸಿ ನೆಲೆ ಕಾಣುವೆ ನೀನು ,

ಛಲವೇ ಜೀವನದ ಬಲವಲ್ಲವೇನು??


[ಕವಿತೆ ರಚನೆ ಶಾರದಾ ಬಾಲಸುಬ್ರಹ್ಮಣ್ಯ .}
-----------------------------------------------------------------------------------------------------------

4 ಕಾಮೆಂಟ್‌ಗಳು:

Dr.D.T.Krishna Murthy. ಹೇಳಿದರು...

ಬಾಲೂ ಸರ್;ಸುಂದರ ಕವನ.ಅಭಿನಂದನೆಗಳು.

Badarinath Palavalli ಹೇಳಿದರು...

ಮೇಡಂ,

ಸರಳ ಭಾಷೆಯಲ್ಲಿ
ಸಮರ್ಥ ನಿರೂಪಣೆ. ಕವನದ ಅಂತಃಸತ್ವಕ್ಕೆ ಒಪ್ಪುವ ಚಿತ್ರಗಳು.

ಕವನದ ಆರಂಭವೇ ಸಾಮಾಜಿಕ ಪೀಡೆಗೆ ಹಿಡಿದ ಕನ್ನಡಿ.

ವರಧಕ್ಷಿಣೆಯ ಪಿಡುಗು ಯಾವಾತ್ತಿನ ವರೆಗೂ ಅಸ್ಥಿತ್ವದಲ್ಲಿ ಇರುತ್ತದೆಯೋ ಅಲ್ಲಿಯವರೆಗೂ ವಿವಾಹ ಪದ್ಧತಿ ಯಾತನಾ ಮಯವೇ.

ವರ ಬೇಟೆಯ ಆಟ ಅನ್ನುವಲ್ಲೇ ನಿಮ್ಮ ಆಗಿನ ಸಿಟ್ಟು ಮತ್ತು ಈಗ ಅದರ ಬಗ್ಗಿನ ಅಸಮಾಧಾನ ಸ್ಫೋಟಗೊಂಡಿದೆ.

ಆತ್ಮಹತ್ಯೆಯ ಯೋಚನೆ ಬರುವಷ್ಟು ಮನಸ್ಸು ನೊಂದಾಗ ಪಾಪ ಹೆಣ್ಣಾದರೂ ಏನು ಮಾಡಬಲ್ಲಳು ಹೇಳಿ?

ನೋವು ಸಾಂಧ್ರಗೊಂಡು ಛಲವಾಗಿ ರೂಪಗೊಂಡದ್ದು ಸಂತಸ ಮಯ ವಿಷಯ.

ಛಲವೇ ಸರ್ವತ್ರ ಸಾಧನ ಎಂಬುದನ್ನು ಚೆನ್ನಾಗಿ ನಿರೂಪಿಸಿದ್ದೀರಿ. ಬದುಕಿನಲ್ಲಿ ನಂಬಿಕೆ ಕಳೆದುಕೊಳ್ಳಬಾರದು.

ಸಾಮಾಜಿಕ ಪೀಡೆಗೆ ನೊಂದವರಿಗೆ ಛಲ ತುಂಬುವ ಇಂತಹ ಕವನಗಳು ಪ್ರಶಂಸನೀಯ.

Goni Basa ಹೇಳಿದರು...

ದನ್ಯವಾದಗಳು

Ashfak Ali H A ಹೇಳಿದರು...

Heart touching lines... Am also against this dowry system.. Now a days marriage becomes business.. Thank you so much...