ಜನರ ನಡುವಿನ ಜೀವನ !!!!!

 ,ತಂದಾನಿ ತಾನಾ ತಂದಾನಿ ತಾನಾ ಜೀವನ ಸಂಜೀವನ.                                                                                                                                                                                  ಜನರಿಂದ ತುಂಬಿಹೋಗಿದೆ ನಮ್ಮೆಲ್ಲರ ಜೀವನ!!!!!!!,

                                 


ಕಪ್ಪು ಜನ , ಬಿಳಿಯ ಜನ ,ಕೆಂಚ ಪರಂಗಿ ಜನ ,
ಬಣ್ಣ ಬಣ್ಣದ ತೊಗಲಿನ ಬಗೆ ಬಗೆಯ  ಜನ ,
ವಿಶ್ವದೆಲ್ಲಡೆ ಹರಿದು ಹಂಚಿಹೋದ ಸರ್ವ ಜನ ,
ಈ ಜನರ ನಡುವೆ ಸಾಗಿದೆ ನಮ್ಮೆಲ್ಲರ ಜೀವನ.

-----------------------------------------------------------------------------------------------------------                                                                                                                                                                               

ಅನ್ನ ಬೆಳೆವ ಮಣ್ಣು ನೆಚ್ಚಿದ ರೈತ  ಜನ,
ಹಣವಿದ್ದೂ ಅನ್ನ ತಿನ್ನಲಾರದ ಸಿರಿಜನ,
ಹಸಿವ ತಾಳದೆ ಬೇಡುವ ತಿರುಕ ಜನ
 ಇವರ ನಡುವೆ ಸಾಗಿದೆ ನಮ್ಮೆಲ್ಲರ ಜೀವನ.                                                                                                                                                       ------------------------------------------------------------------------------------------------------------
                                             
ಶಾಂತಿ ಶಾಂತಿ ಶಾಂತಿ ಎಂದ ಜನ ,
ಕ್ರಾಂತಿ ಕ್ರಾಂತಿ ಕ್ರಾಂತಿ ಎಂದ ಜನ ,
ಶಾಂತಿ, ಕ್ರಾಂತಿಯ ಜಪದಲ್ಲಿ ಮುಕ್ಕಿದ ಜನ
ಈ ಜನರ ನಡುವೆ ಸಾಗಿದೆ ನಮ್ಮೆಲ್ಲರಜೀವನ,

------------------------------------------------------------------------------------------------------------
                                                                                                                                                               ನೆತ್ತರ ನೀಡಿ ಜೀವ ಉಳಿಸುವ ಜನ
ನೆತ್ತರ ಕುಡಿದು ಜೀವ ತೆಗೆಯುವ ಜನ
ನೆತ್ತರಿಗೂ ಧರ್ಮಕ್ಕೂ ಕೊಂಡಿಯಾದ ಜನ 
ಈ ಜನರೆಲ್ಲರ ನಡುವೆ ಸಾಗಿದೆ ನಮ್ಮೆಲ್ಲರ ಜೀವನ.

------------------------------------------------------------------------------------------------------------                                                                                                                                                                 ಬಗೆಬಗೆ ಯಂತ್ರ ಸೃಷ್ಟಿಸುವ ವಿಜ್ಞಾನಿ ಜನ
ಯಂತ್ರಗಳ ಹೊಡೆತಕ್ಕೆ ಸಿಕ್ಕಿ  ನರಳುತಿರುವ ಜನ
 ವಿಜ್ಞಾನದ ನರಕದೊಳಗೆ ಸಿಕ್ಕ ವಿಶ್ವದ ಜನ

 ಈ ಜನೆರ  ನಡುವೆ ಸಾಗಿದೆ  ನಮ್ಮೆಲ್ಲರ ಜೀವನ.

------------------------------------------------------------------------------------------------------------                                                        
                                                                                                                                                            ದೇಶಗಳ ನಡುವೆ ಗೋಡೆ ಕಟ್ಟಿದ ಜನ ,
ವಿಸಾ ಪಾಸ್ಪೋರ್ಟ್ ಸೃಷ್ಟಿಸಿದ ಆ  ಜನ 
  ಒಂದೇ ಭೂಮಿ ಒಂದೇ ಜೀವನಎನ್ನದಜನ                                                                                                                                                                                                                                                                                                                           ಈ ಜನರ ನಡುವೆ ಸಾಗಿದೆ ನಮ್ಮೆಲ್ಲರ ಜೀವನ.    ,                                                                                                              

                                                                                                                                                ವಿಶ್ವ ಪ್ರೀತಿಸುವ ಹಲವಾರು ಸಜ್ಜನ ಜನ
ವಿಶ್ವ ದ್ವೇಷಿಸುವ ಗೊಂದಲದ ದುರ್ಜನ ಜನ
ಹಲವು ಗೊಂದಲದಿ ಸಿಲುಕಿದ ಸಾಮಾನ್ಯ ಜನ
ಈ ಜನರ ನಡುವೆ ಸಾಗಿದೆ ನಮ್ಮೆಲ್ಲರ ಜೀವನ.
                                                                                                    

   
-----------------------------------------------------------------------------------------------------------
ಜೀವನ ನಮ್ಮೆಲ್ಲರ ಜೀವನ ಆಗಲಿ ಪಾವನ
ಕತ್ತಲೆಯ ವಿಶ್ವಕ್ಕೆ ಬೆಳಕು ನೀಡಲಿ ಎಲ್ಲರಮನ ,
ವಿಶ್ವ ಜನರ ಮನದಿ  ಅರಳಲಿ ಪ್ರೀತಿಯ ಕವನ        
                                                                                                                                                           ಸಾಗಲಿ ನೆಮ್ಮದಿಯತ್ತ ಎಲ್ಲಾ ಬಣ್ಣದ ಜನರ ಜೀವನಯಾನ. 






[ಕವಿತೆಗೆ ಬಳಸಲಾದ ಮೇಲಿನ  ಎಲ್ಲಾ ಚಿತ್ರಗಳನ್ನು ಅಂತರ್ಜಾಲದಿಂದ ಪಡೆದು ಕೃತಜ್ಞತಾ ಪೂರ್ವಕವಾಗಿ ಬಳಸಿಕೊಳ್ಳಲಾಗಿದೆ ]