"ಛಲ" ಅದುವೇ ಜೀವನದ ಬಲ!!!

ವರುಷ ಇಪ್ಪತ್ತೈದಾಯ್ತು
ಆಗಲಿಲ್ಲ , ಮಗಳಿಗೆ ಮದುವೇ!
ಅಲೆದಲೆದು ಸಾಕಾಯ್ತು
ಹೂ ಹಣ್ಣುಗಳ ತಟ್ಟೆ ಹಿಡಿದು
ವರಗಳ ಮನೆ-ಮನೆಗೆ!!                                                                                                                                     ---- --- -------------------------------------------------------------------------------------------------                                                                                                                                                                     ಹುಡುಗಿ ಕಪ್ಪೆಂದು
ದೂರಿದನೊಬ್ಬ  ಹುಡುಗ,
ಮತ್ತೊಬ್ಬ ಗೊಣಗಿದ
ಹುಡುಗಿ ಎತ್ತರ !! ಬಹು ಎತ್ತರ!!!
ಕೆಲಸ ಯಾವುದೆಂದು
ಒಬ್ಬನಿಗೆ ಚಿಂತೆ ,
ಮತ್ತೊಬ್ಬನಿಗೆ ಬೇಕಂತೆ
ನೋಟುಗಳ ಕಂತೆ!ಕಂತೆ!!!

                                                                                                                                            --------------------------------------------------------------------------------------------------------           ವರ ಬೇಟೆಯ ಆಟ
ಹೆತ್ತವರಿಗೆ ಜೀವನದಾಟ
ಕೊಡು-ಕೊಳ್ಳುವಿಕೆಯಲ್ಲಿ
ವಧುವ  ಕನಸುಗಳಿಗಿಲ್ಲ ಬೆಲೆ
ವ್ಯವಹಾರದ ಮೂಟೆ ಮೂಟೆ
  ಒಣಗಿಹೋಗಿದೆ ಕನಸಿನ ಊಟೆ!!!                         

 ---------------------------------------------------------------------------------                                                                                                                                                               ಒಣಗಿದ ಕನಸುಗಳ
ಬತ್ತಿದ ಭಾವನೆಗಳ
ಒಡಲಲ್ಲಿ ಒಣಗಿದ ಹೂವು
ಕನಸುಗಳಲ್ಲಿ ಕುಣಿದಿಹ ಸಾವು
 ಆತ್ಮಹತ್ಯೆ ಬಯಸಿದೆ ಮನವು !!!!!!!                                                                                                                               

 ---------------------------------------------------------------------------------                                                                                                                                                                            ಯೋಚಿಸಿದಳು ಒಮ್ಮೆ ಆತ್ಮಹತ್ಯೆಯ  ಬಗ್ಗೆ

ನೋವಿನಲ್ಲೂ ಮೂಡಿತ್ತು  ನಗೆ !!
ನಗೆಯ ಸಿಂಚನದಲ್ಲಿ  ಕರಗಿತ್ತು ನೋವು ,
ಮನದಿಂದ ದೂರ ಓಡಿತ್ತು  ಸಾವು ,
ಅಲ್ಲಿಯೇ ಕಂಡಿತ್ತು ಗೆಲುವಿನ ಛಲವು!!!                 

ಸರ್ವ ಕಷ್ಟಕೂ ಇದೆ ಪರಿಹಾರ ,
ಮನದಲ್ಲಿ ಮೂಡಿದರೆ ಒಳ್ಳೆ ವಿಚಾರ !!!!
ಭರವಸೆಯ  ಬದುಕೇ ಬಾಳಿಗೆ ಆಧಾರ ,

ಸಾವು ಪರಿಹಾರವಲ್ಲಾ ಕಷ್ಟದ ಬದುಕಿಗೆ ,
ಛಲದ ಬದುಕು ದೂಡುವುದು ಗೆಲುವಿನ ಹಾದಿಗೆ !!!!
----------------------------------------------------------------------------------------------------------

                                                                                                                                                     ಸಹೋದರಿ  ನಿನಗಿದ್ದರೆ ಈ ಭವಣೆ,
ಛಲದ ಹಾದಿಹಿಡೀ  ನೀ ಜಾಣೇ!!!
 ವಾಸ್ತವ ಬದುಕ ಅರಿತಾಗ ನೀನು
ಬದುಕಿ ಸಾಧಿಸಿ ನೆಲೆ ಕಾಣುವೆ ನೀನು ,

ಛಲವೇ ಜೀವನದ ಬಲವಲ್ಲವೇನು??


[ಕವಿತೆ ರಚನೆ ಶಾರದಾ ಬಾಲಸುಬ್ರಹ್ಮಣ್ಯ .}

-----------------------------------------------------------------------------------------------------------